sudan armiyesi pirézidéntliq mehkimisini bombardiman qildi
sudan armiyesi aprél éyi (2023) din tartip toqunushuwatqan téz yardem qilish qisimliri orunlashqan, paytext xartumdiki pirézidéntliq mehkimisini hawadin bombardiman qildi.
türkiye awazi radiyosi xewiri: sudan bixeterlik menbeliridin we weqeni öz közi bilen körgen guwahchilardin élinghan melumatlargha asaslanghanda, sudan armiyesi aprél éyidin buyan téz yardem qilish qisimlirining kontrolluqida turuwatqan pirézidéntliq mehkimisi ichidiki nuqtilarni tunji qétim hawadin bombardiman qilghan.
sudan armiyesi yene, xiartum bilen gherbtiki umdurman we shimaldiki behri shehiridiki téz yardem qilish qisimlirining herbiy nuqtilirinimu top oqliri bilen bombardiman qilghan.
sudan armiyesi shenbe küni (5-awghust) paytext xartumning jenubigha jaylashqan mashnilashqan qisimlar qomandanliq ishtabining etrapidiki téz yardem qilish qisimlirining nuqtilirigha qilghan hujumda, onlarche téz yardem qilish qismi jengchilirining öltürülgenlikini, 10 dane herbiy aptomobilning pachaqlap tashlanghanliqini uqturghan idi.
bu jeryanda, amérika, norwégiye we engliye sudandiki tereplerni derhal urush toxtitishqa chaqirdi.
sudan armiyeisi bilen téz yardem qilish qisimliri otturisida 100 kündin artuq waqittin buyan toqunushlar dawam qilmaqta. toqunushlar asasliqi paytextning etrapi, bolupmu döletning gherbide keskin bolmaqta.
bu toqunushlar da, 3 mingdin artuq kishi jénidin ayrildi, onminglarche kishi yarilandi. texminen 4 milyon kishi yurt-makanliridin ayrildi.
