pakistanda yoluchilar poyizi rélistin chiqip kétip, 28 kishi qaza qildi
pakistanning nawabshah shehiri etrapida bir yoluchilar poyizi rélistin chiqip kétip, 28 kishi qaza qildi we 50 kishi yarilandi.
türkiye awazi radyosi xewiri: pakistan tömür yol ministiri xawaja saad rafiq karachidin rawalpindigha qarap yolgha chiqqan hazara téz poyizining 10 wagonining nawabshah etrapida rélistin chiqip ketkenlikini élan qildi.
rafiq bu hadisining «téxnikiliq kashila» yaki «buzghunchiliq» netijiside yüz bergen bolushi mumkinlikini bildürüp, 28 jeset we 50 yarilanghan kishining nawabshah shundaqla sangar rayoni etraptiki doxturxanilargha yetküzülgenlikini uqturdi.
armiye we yérim herbiy qisimlar izdesh we qutquzush xizmiti üchün neq meydangha chaqirildi.
weqe jeryanida, poyizda qanche kishining barliqi toghrisida héchqandaq melumat bérilmidi. emma yerlik metbuatlar nurghun kishilerning hazirmu wagonlarda qapsélip qalghanliqini we qaza qilghanlar sanining éshishi mumkinlikini xewer qildi.
pakistanda 2021-yili iyun éyidimu, ikki poyiz soqushup kétip, 63 yoluchi qaza qilghan idi.
مۇناسىۋەتلىك خەۋەرلەر
parizhda süriye mesilisi yighini ötküzüldi
firansiyening paytexti parizhda xelqara süriye mesilisi yighini chaqirildi.
