maduro quran kerimni köydürüsh qilmishigha naraziliq bildürdi
wénézuéla pirézidénti nikolas maduro yawropa rehberliri we bir qisim axbarat wasitilirining shiwéytsiye hem daniyediki quran kerimni köydürüsh qilmishlirigha jawab qayturmasliqini eyiblidi.
türkiye awazi radiyosi xewiri: wénézuéla pirézidénti nikolas maduro «‹elmeyadin› téléwiziye qanili» ning «maduro bilen tepsiliy söhbet» namliq pirogrammisida bergen bayanatida, yawropadiki muqeddes kitablarni köydürüsh qilmishlirigha köz yumghanlarning süküt qilghanliqi seweblik bu weqege wasitilik qatnashqanliqini tekitlep mundaq dédi: «quran kerimning köydürülgenlikini körgen waqitta dunyaning herqaysi jayliridiki musulmanlarning naraziliqini chin qelbimdin chongqur hés qildim.»
u axbarat wasitilirining bu mesilini xewer qilmighanliqini tenqid qildi, hemde musulmanlargha qaritilghan öchmenlik jinayetliri we yawropadiki quran kerimni köydürüwatqan esebiy ongchillar - irqchilarning heriketlirini «qattiq eyibleydighanliqini» bildürüp mundaq dédi: «bir xiristiyan bolush süpitim bilen özümdin mundaq dep soraymen: eger injil bashqa bir dölette köydürülse, biz xiristiyanlar qandaq hés qilimiz? eger biraw shundaq qilsa, qattiq échinattuq, shundaqla bu bizge nisbeten qattiq haqaret qilghanliq bolatti.»
