xitay ölkiliride her xil apetler yüz bermekte
xitayning shendung ölkisidiki yer tewreshte 126 bina örülüp chüshti.
türkiye awazi radyosi xewiri: xitayning shimalidiki shendung ölkiside 5.5 bal yer tewridi.
xitay döletlik taratqulirining xewiride, yer tewresh merkizining ölkining sherqidiki dijow shehirining pingyüen rayoni ikenliki, yer tewreshte 21 kishining yarilanghanliqi we 126 binaning örülüp chüshkenliki bildürüldi.
dölet ishliri kéngishi we jiddiy haletlerge taqabil turush ministirliqi yer tewreshtin kéyin 4-derijilik agahlandurush élan qildi. rayongha izdesh-qutquzush we yardem xizmetliri üchün etretler yollandi.
yer tewresh sewebidin béyjing we tyenjén sheherlirige qoshna bolghan xébiy ölkisidin qatnaydighan poyizlar emeldin qalduruldi.
alaqidar tarmaqlar yer tewreshte qatnash, xewerlishish we tok ul-eslihelirige ziyan yetmigenlikini, néfit we tebiiy gaz turuba liniyesidimu sizip kétish weqelirining bayqalmighanliqini xewer qildi.
xitayning xébiy ölkiside shiddetlik yamghur keltürüp chiqarghan kelkünde 10 kishi qaza qilip, 18 kishi yoqap ketken bolup, xitayda yéqinqi 140 yildin buyan körülüp baqmighan eng shiddetlik yamghurning bashlanghanliqi xewer qilinghan idi.
