amérika xitayni sezgür herbiy uchurlar bilen teminligen ikki ofétsirni nazaret astigha aldi
amérika déngiz armiyesining ikki ofitséri xitayni «sezgür herbiy istixbarat bilen teminlesh» jinayiti bilen eyiblinip nazaret astigha élindi.
türkiye awazi radiyosi xewiri: amérika edliye ministirliqi bayanat élan qilip, amérika déngiz armiyeside aktip wezipe ötewatqan ikki matrosning «jasusluq» jinayiti bilen eyiblinip nazaret astigha élinghanliqini uqturdi.
eyibnamige qarighanda, amérikaning USS Essex namliq awiyamatkisida wezipe ötewatqan 22 yashliq jinchaw wéy amérika dölet mudapie uchurlirini xitay istixbarat (dölet bixeterlik) xadimlirigha ewetish bilen eyiblengen.
ilgiri sürülüshiche, jichaw wéy 2022- yili 2- ayda xitay emeldari bilen alaqileshken we telepke binaen, özi ishlewatqan awiyamatkining süret we sin körünüshlirini yollighan.
buningdin bashqa, 26 yashliq wénxéng jaw isimlik bir matros xitaydin kelgen bir istixbarat xadimini 2021-yili 8- aydin 2023- yili 5- ayghiche amérika déngiz armiyesining sezgür herbiy uchurliri bilen teminlesh bedilige para élish bilen eyiblengen.
wénxéng jawning xitay istixbarat xadimlirigha yollighan uchurlirining hindi- tinch okyandiki amérika herbiy manéwirlirining meshghulat pilanlirinimu öz ichige alidighanliqi ilgiri sürüldi.
amérika edliye ministirliqi dölet bixeterlik bashqarmisi muawin bash teptishi matéw g. olsén, bu ikki matrosning «amérikani qoghdash wedisige xilapliq qilish we döletning ishenchisige xiyanet qilish bilen eyibliniwatqanliqi»ni eskertti.
