rusiye portida partlash awazi anglandi
rusiyening qaradéngiz sahilidiki noworossiysk portida kéche waqitlirida partlash awazliri anglandi.
türkiye awazi radiyosi xewiri: rusiye dölet mudapie ministirliqi bayanat élan qilip, ukrainaning rayondiki herbiy paraxotlargha ikki dane su asti qorali bilen qilghan hujumining chékindürülgenlikini bildürdi.
bayanatta, su asti qoralliri bayqalghandin kéyin, portni qoghdawatqan paraxotlar teripidin pachaqlap tashlanghanliqi qeyt qilindi.
bildürülishiche, mezkur xewer toghrilanghan ehwalda, bu ukrainaning rusiyening asasliq soda portliridin birige qilghan tunji hujumi hésablinidiken.
noworossiysktiki néfit paraxotlirigha néfit qachilashqa mesul hazar turuba yoli komitéti, portta barliq paraxotlarning qatnishini waqitliq toxtatqanliqini élan qildi.
port eslihelirining ziyangha uchrimighanliqi we lengger tashlighan paraxotlargha néfit qachilash ishlirining dawamlishiwatqanliqi eskertildi.
rusiyening ötken ay (2023-yili iyul) ashliq kélishimining mudditini uzartishni ret qilghandin buyan qaradéngiz we qoshna portlardiki toqunushlar keskinleshti.
rusiyening uchquliri we bashqurulidighan bombiliri qaradéngizda yaki etrapida ukrainaning nurghun portlirigha, ashliq ambarlirigha zerbe berdi.
rusiye pirézidénti wladimir putin 2022-yili 24-féwralda ukrainani ishghal qilish permanini chüshürüshi bilen ukraina-rusiye urushi bashlanghan idi.
putin kiyéwning natogha eza bolushini tosush we uni rusiyening tesir dairisi ichide tutup turush üchün, ukrainani herbiysizleshtürüp, natsistlardin tazilashni meqset qilghanliqlirini bildürgen idi.
