xitay amérikaning teywenge yardem bérishige qetiy qarshi turidighanliqini bildürdi
xitay dölet mudapie ministirliqi amérikaning teywenge 345 milyon dollarliq herbiy yardem bérishige «qetiy qarshi turidighanliqi»ni jakarlidi.
türkiye awazi radiyosi xewiri: xitayning yershari téléwiziyesi tori, xitay dölet mudapie ministirliqi bayanatchisi ten kéféy teywen mesilisining xitayning «ichki ishi» ikenlikini bayan qilip, bu mesilining amérika- xitay munasiwitidiki «ötüshke bolmaydighan qizil siziq» ikenlikini tekitligenlikini xewer qildi.
xewerde körsitilishiche, amérikaning teywendiki «bölgünchi küchler we ighwagerchilik heriketliri»ni qollaydighanliqini tekitligen ten kéfiy, dölitining amérikaning teywenni qollishigha «qetiy» qarshi turidighanliqigha isharet qilip ötken we sözini dawamlashturup: «tarixning charqi xitayning qaytidin birlishishige qarap yüzliniwatidu, héchqandaq shexs yaki küch uni tosup qalalmaydu» dégenlerni qeyt qilghan.
amérika pirézidénti jo baydin 29- iyul pirézidéntliq qararnamesi élan qilip, amérika armiyesining öz qoral-yaragh zapisidin teywenge mudapie matériyalliri, herbiy telim – terbiye we meshiqler bolup, 345 milyon dollar qimmitide herbiy yardem béridighanliqini uqturghanidi.
