donald tramp: «her qandaq waqitta eyiblinishke uchrishim mumkin»
amérikaning sabiq pirézidénti donald tramp 2020-yildiki pirézidéntliq saylam netijisige tutqan pozitsiyesi heqqide özining «her qandaq waqitta» eyiblinishke uchrishi mumkinlikini yétti.
türkiye awazi radyosi xewiri: sabiq pirézidént donald tramp xususiy ijtimaiy alaqe supisi «TruthSocial» diki yazmisida: «tengpungsiz (parlaméntqa bésip kirish weqesini tekshürüshike alahide teyinlengen sabiq bash mupettish) jek simis we uning siyasiy körünüshlük qaraqchilar shaykisi, méning tinch we wetenperwer shekilde sözligen nutuqum üchün her qandaq waqitta méni eyiblishi mumkinlikini perez qilmaqtimen» dédi.
«(amérika pirézidénti jo) baydin lagéri» ning parixorluqi we namuwapiq pul töleshliri toghrisidiki xewerlerni yoshurushqa urunuwatqanliqini tekitligen tramp, buninggha qarita, «saylamgha arilishiwélish we mupettishlerning hoquqini süyistémal qilishi» dep baha berdi.
amérikada ongchil guruppilar we donald trampning qollighuchiliri 2020-yili 11-ayning 3-künidiki saylamning netijisini ray sinashqa qoyghan kongre binasigha 2021-yili 6-yanwarda bésip kirgen idi.
bésip kirish jeryanida bir saqchini qoshqanda, jemiy besh kishi jénidin ayrilghan idi.
bésip kirish weqesi tüpeyli xelqni topilanggha qutratquluq qilish bilen eyiblinip wezipisidin élip tashlash heqqide sotqa tartilghan tramp, 2021-yili féwralda kéngesh palatasidiki bélet tashlashta gunahsiz, dep aqlanghan idi.
awam palatasidiki démokratchilar jumhuriyetchiler partiyesining naraziliqigha qarimay, bir komitét qurghan we weqeni tekshürüshke bashlighan idi.
edliye ministirliqimu bu ishqa qarita özining tekshürüshlirini dawamlashturmaqta.
