yawropa xitayni agahlandurdi
yawropa ittipaqi komitétining reisi ursula won dér léyén: «xitayning jenubiy we sherqiy déngiz bilen teywen boghuzida herbiy küch körsitish herikitining yershari xaraktérlik tesiri bolushi mumkin» dédi.
türkiye awazi radiyosi xewiri: yawropa ittipaqi komitétining reisi ursula won dér léyén filippin ziyariti dairiside, filippin soda munbiride söz qildi.
u hindi-tinch okyan rayonining dölet bixeterlikini kücheytish üchün filippin bilen bolghan hemkarliqni kücheytidighanliqlirini éytti.
u: «xitayning jenubiy we sherqiy déngiz bilen teywen boghuzida herbiy küch körsitish herikiti, filippin we rayondiki bashqa shérik döletlerge biwaste tesir körsitidu» dédi.
u «bu herbiy küch körsitishlerning yer shari xaraktérlik eks tesiri bolidighanliqi » üstide toxtilip, mundaq dédi:
«dunyada iqtisadiy téz éshish körülüwatqan rayon bolghan asiyada rayon muqimliqining ajizlishishi, yer shari bixeterlikige, erkin sodining rawan bolushigha we rayondiki menpeetlirimizge tesir körsitidu.»
u yawropa ittipaqining bu seweb tüpeylidin hindi-tinch okyandiki mewj utluqini kücheytkenlikini eskertip, «erkin we ochuq bolghan hindi-tinch okyanni ilhamlandurushni meqset qilghanliqliri» ni bildürdi.
u: «filippinler bilen yawropa ittipaqi hem soda hemde sélinmilar mesiliside shérikchilikni ilgirilitish üchün chong pursetlerge ige. singapor we wiyétnam bilen bolghan soda kélishimliri méwe bérishke bashlidi. biz sherqiy jenubiy asiya döletliri ittipaqidiki bashqa döletler bilenmu erkin soda kélishimi imzalashni xalaymiz» dédi.
