gutérrés: rusiyening ashliq ianisi tiraeédiyeni özgertelmeydu
b d t bash katipi gutérrés qara déngiz ashliq karidori kélishimidin chékingen rusiyening alte afriqa dölitige heqsiz ashliq yardimi qilidighanliqi toghrisidiki bayanatini tilgha élip: «bir siqim iane» din tiragédiyelik ehwalning özgermeydighanliqini bildürdi
türkiye awazi radiyosi xewiri: bash katip antoniyo gutérrés b d t da küntertipke munasiwetlik soallargha jawab berdi.
u ashliq bahasidiki ösüshning bedilini, her yerde hemme kishining, bolupmu tereqqiy qiliwatqan döletlerdiki ottura kirimlik qatlam, hetta tereqqiy qilghan döletlerdiki qoghdighuchisiz kishilerning töleydighanliqini tekitlidi.
u rusiyening alte afriqa dölitige heqsiz ashliq yardimi qilidighanliqi üstide toxtalghanda: «shunga, barliq kishilerge tesir körsetken bu tiragédiyelik tesirni, bir siqim döletlerge qilinidighan iane bilen özgertish mumkin emes» dédi.
rusiye pirézidénti putin tünügün (27-iyul) pétérsburgda ötküzülgen rusiye-afriqa bashliqlar yighinining échilishida, gherb döletlirini rusiye yéza igiliki éksportigha qarshi yolgha qoyulghan émbargolar sewebidin ikki yüzlimichilik bilen eyibligen idi.
u: «kéyinki 4-3 ay ichide burkina faso, zimbabwé, mali, somali, ottura afriqa jumhuriyiti we éritiréye qatarliq döletlerge 25 ming tonnadin 50 ming tonnaghiche ashliqni heqsiz yetküzüshke teyyar bolimiz» dégen idi.
