shoygu bilen kim jongun xewpsizlik mesililirini muzakire qildi
shimaliy koréye rehbiri kim jongun piyongyangda ziyarette boluwatqan rusiye dölet mudapie ministiri sérgéy shoygu bilen xewpsizlik mesililirini muzakire qildi.
türkiye awazi radiyosi xewiri: shimaliy koréye merkiziy xewer agéntliqda bildürülishiche, kim jongun bilen sérgéy shoygu körüshüshide, dölet, rayon we xelqaraliq ramkida xewpsizlik hemde herbiy sahediki mesililer muzakire qilinghan.
kim jongun bilen sérgéy shoygu shimaliy koréyening yéngi ewlad qoral-yaraghliri we bashqurulidighan bombiliri qoyulghan körgezme zalini ékskursiye qildi.
kim jongun «dölet xewpsizlik tereqqiyat pilani ramkisida tereqqiy qildurghan» qoral-yaraghlar toghrisida sérgéy shoygugha melumat bérip, dunya miqyasida qoral-yaragh tereqqiy qildurush istratégiyeliri üstide toxtaldi.
körüshüshte, kim jongun bilen sérgéy shoygu «dölet mudapiesi we xewpsizlikidin bashqa, rayonluq hemde xelqaraliq xewpsizlikke munasiwetlik ortaq mesililerde» pikir birliki hasil qilghanliqi qeyt qilindi.
sérgéy shoyguning kim jongungha rusiye pirézidénti wladimir putining mektubini yetküzgenliki bildürüldi.
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.
