amérika: erdoghanning putin bilen ötküzidighan ashliq kélishimi söhbitidin ümidwarmiz
amérika qoshma ishtatliri jumhur reis rejep tayyip erdoghanning rusiye prézidénti wiladimir putin bilen ötküzüshi kütülüwatqan qara déngiz ashliq karidori kélishimini eslige keltürüsh toghrisidiki uchrishishining ijabiy bolushidin ümidwar ikenlikini bildürdi.
türkiye awazi radiyosi xewiri: amérika tashqi ishlar ministirliqi bayanatchisi matéw millér kündilik muxbirlarni kütüwélish yighinida muxbirlarning soallirigha jawab berdi؛ u, jumhur reis erdoghanning putin bilen ashliq kélishimi toghrisida sözlishidighanliqini bildürgenliki heqqide toxtilip, uchrishishtta ünüm hasil qilinidighanliqigha ishinidighanliqlirini éytti.
millér erdoghanning putin bilen ashliq kélishimi toghrisidiki bayanatini tilgha élip, özlirining mölcherlengen uchrishishning muweppeqiyetlik bolidighanliqigha ishinidighanliqini bayan qildi.
millér sözini dawamlashturup: «silerningmu bilgininglardek, jumhur reis erdoghan jüme küni yenimu ilgiriligen halda söhbet élip bérip, pirézidént putinni qara déngiz ashliq kélishimige qaytip kélishike ilhamlanduridighanliqini éytti» dégenlerni qeyt qildi.
amérika tashqi ishlar ministirliqi bayanatchisi millér, türkiye we rusiye rehberlirining bu mesile toghrisidiki uchrishishining muweppeqiyetlik bolushini ümid qilidighanliqlirini sözlirige ilawe qildi.
