blinkén türkiyening ashliq karidori kélishimidiki rolini tekitlidi
amérika qoshma ishtatliri tashqi ishlar ministiri antoni blinkén, qara déngiz ashliq karidori kélishimi mesiliside türkiyening «rehberlik rolini yene bir qétim üstige élishi»ni ümid qilidighanliqini éytti.
türkiye awazi radiyosi xewiri: ministir antoni blinkén amérikaning kolorado ishtatida dawam qiliwatqan aspén bixeterlik munbiridiki sözi esnasida, türkiyening qara déngiz ashliq kélishimidiki roli üstide toxtilip, «türkiye deslepki qedemde birleshken döletler teshkilati (b d t) bash katipi antonio gutérrés bilen yéqindin hemkarliship, kélishimni barliqqa keltürüshte muhim rol oynidi, qaltis xizmetlerni qildi... shunga, biz türkiyening burunqigha oxshash yol tutup, dunyaning her qaysi jayliridiki kishiler éhtiyajliq boluwatqan yémeklikni erzan bahada sétiwélishigha kapaletlik qilish üchün, bu ishni eslige keltürüshtiki rehberlik rolini jari qildurushini ümid qilimiz» dédi.
türkiyening rusiye ashliq kélishimidin chékinip chiqqan jeryandiki kélishimni saqlap qélish tirishchanliqini tilgha alghan ministir antoni blinkén, jumhur reis rejep tayyip erdoghanning rusiyeni ashliq kélishimige qayturup kélish meqsitide rusiye pirézidénti wiladimir putin bilen körüshkenlikigimu isharet qilip ötti.
