jeyk sulliwan ashliq karidori heqqide rusiyeni agahlandurdi
amérika dölet bixeterlik meslihetchisi jeyk sulliwan eger rusiye qara déngiz ashliq karidori kélishimidin chékinidighan bolsa, buning rusiyege nisbeten diplomatik bedilining éntayin éghir bolidighanliqini éytti.
türkiye awazi radyosi xewiri: jeyk sulliwan <CBS News> téléwiziye qanilining «milletke yüzlinish» namliq programmisigha qetnashti.
jeyk sulliwan qara déngiz ashliq karidori kélishimining mudditining ete kechte toshidighanliqini bildürüp, «(rusiye pirézidénti) wiladimir putinning néme ish qilidighanliqini perez qilalmaywatimen. aylardin béri oxshimighan signallarni berdi. rusiye kélishimdin chékinip chiqishi yaki uni dawamlashturushimu mumkin» dédi.
jeyk sulliwan eger rusiye kélishimdin chékinip chiqsa, dunyaning uninggha qarita «rusiye yer sharining jenubigha, afriqagha, latin amérikagha we asiyagha yüz öridi» dep baha béridighanliqini tekitlep, «buning rusiyege nisbeten diplomatik bedili intayin éghir bolidu» dédi.
jeyk sulliwan buninggha qararni putinning béridighanliqini esskertip, «biz her türlük sinariyelerge qarshi teyyar halette turmaqtimiz we ukrainaliqlar bilen yéqindin hemkarlashmaqtimiz» dédi.
