yawropa ittipaqi: musulmanlargha öchmenlik qilishqa qarshi küresh pilanimiz bar
yawropa ittipaqi sulmanlargha öchmenlik we ayrimchiliq qilishqa qarshi küresh ishxanisining mesuli mariyon lalissé yawropa ittipaqining musulmanlargha qarshi öchmenlik qilishqa qarshi küreshte konkrét pilani barliqini éytti.
türkiye awazi radiyosi xewiri: yawropa ittipaqi sulmanlargha öchmenlik we ayrimchiliq qilishqa qarshi küresh ishxanisining mesuli lalissé bélgiyening paytexti biryussélda axbarat wasitilirigha bergen bayanatida, yawropadiki musulmanlar jamaitining köp xil milletlerdin teshkil tapqan az sanliq jamaet ikenlikini, yawropa ittipaqigha eza döletlerde, sani, milliti bir – birige oxshimaydighan musulmanlarning barliqini tekitlep mundaq dédi: «emma, yawropa ittipaqidiki musulmanlar jemiyiti jemiyitimizning ayrilmas bir qismidur. bu nahayiti zor ehmiyetke ige.»
u shiwétsiyeide quran kerimni köydürüsh qilmishining sadir qilinghanliqini, yawropa ittipaqining islam düshmenlikige qarshi küreshte konkrét pilanining bar – yoqluqida dair solgha jawab bérip mundaq dédi: «musulmanlargha qarshi öchmenlikke qarshi küreshte konkrét pilanlirimiz bar.»
lalissé musulmanlargha qarshi öchmenlik qilmishigha qarshi küresh siyasetlirini oxshimighan sahelerde, jümlidin maarip, bixeterlik, köchmenler we bashqa nurghun xizmet saheliride muhim xizmet küntertipige kirgüzidighanliqlirini tekitlep mundaq dédi: «biz herqaysi organlar, ammiwi teshkilatlar, herqaysi jemiyetler, puqralar we xelqaraliq teshkilatlar bilen bolghan diyalogni dawamlashturimiz. pakitni asas qilghan siyasetni yolgha qoyup, puqralar we herqaysi organlarning musulmanlargha qarshi öchmenlik qilish qilmishigha qarita tonushini östürimiz.»
yawropa ittipaqi mariyon lalisséni uda 18 ay bosh qalghan musulmanlargha öchmenlik we ayrimchiliq qilishqa qarshi küresh ishxanisining mesulluqigha teyinligenidi.
yawropa ittipaqi musulmanlargha öchmenlik qilmishi ewj élip ketken bir peytte, bu orunni bosh qaldurghanliqi üchün tenqidke uchrighanidi.
