tunis we sénégal déngiz tewelikliride nurghun köchmenler jénidin ayrilghan

türkiye awazi radiyosi xewiri: tunis dölet muhapizet etritining yazma bayanatigha qarighanda, déngiz armiye qisimliri safaks shehiri déngiz qirghiqida 13 köchmenning jesitini tapqan, 25 köchmenni qutquzuwalghan.

qanunsiz köchmenlerning sehrayi kebirning jenubidiki afriqa döletlirining puqrasi ikenliki bildürülgen bayanatta, köchmenlerning chégradin ötküzidighan adem etkeschilik torining bitchit qilinghanliqi uqturuldi.

sénégaldin ispaniyege qarap yolgha chiqqan qanunsiz köchmenlerni élip mangghan kéme örülüp kétip sekkiz adem jénidin ayrilghan.

sénégal ichki ishlar ministirliqining yazma bayanatida, kafontin yézisi déngiz tewelikidin ispaniyening kanarya arallirigha qarap yolgha chiqqan kémining saynt luis shehiri déngiz tewelikide örülüp chüshkenliki eskertildi.

neq meydangha yétip barghan sénégal ichki ishlar ministiri antoyén féliks diyom kémide 60 kishining barliqini, sekkiz kishining jesitining tépilghanliqini éytti.

ispaniye ammiwi teshkilat kaminando frontéras (yürügen chégralar)  teshkilati 23-iyun 60 köchmenni, 27-iyun 65 we 200 köchmenni élip kafontin déngiz tewelikidin yolgha chiqqan üch  kémining atlantik okyanda yoqap ketkenlikini élan qilghan idi.

sénégal tashqi ishlar ministirliqi bu weqeni ret qilip, 28-iyundin 9-iyulghiche marakeshning déngiz tewelikide 260 qanunsiz köchmenning qutquzuwélinghanliqini élan qilghan idi.

sénégal tashqi ishlar ministirliqning bayanatida eskertilgen 260 qanunsiz köchmenning, ispaniye ammiwi teshkilati élan qilghan ghayib bolghan köchmenler yaki emesliki éniq emes.