shiwétsiye: térrorizmgha qarshi küreshte türkiye bilen birlikte heriket qilimiz
shiwétsiye dölet mudapie ministiri pal jonson xelqaraliq térrorizmgha qarshi küreshte dölitining türkiye bilen birlikte heriket qilidighanliqini éytti.
türkiye awazi radiyosi xewiri: shiwétsiye dölet mudapie ministiri pal jonson «‹aftonbladét› géziti» ge bergen bayanatida, litwaniyening paytexti wilnyusda chaqirilghan shimaliy atlantik ehdi teshkilati-nato bashliqlar yighinida, enqerening türkiye, shiwétsiye we nato otturisida hasil qilinghan kélishim layihesi bilen, shiwétsiyening natogha eza bolushigha munasiwetlik kélishim layihesini türkiye büyük millet mejlisi (parlaménti) ge sunush qarari heqqide toxtilip mundaq dédi: «xelqaraliq térrorizmgha qarshi küreshte türkiye bilen birlikte heriket qilimiz. pütün küchimiz bilen bölgünchi térrorluq teshkilati p k k ning shiwétsiyediki paaliyetlirige taqabil turimiz. chünki bu hem bizning bixeterlikimiz hem türkiyening bixeterliki üchün muhim.»
jonson bir zhurnalistning «litwaniyening paytexti wilnyusta chaqirilghan nato bashliqlar yighinidin kéyin hasil qilinghan kélishim netijiside, shiwétsiye p y d/y p g ni we fethullahchi térrorluq teshkilatini <térrorluq teshkilatliri> dep qaramdu?» dégen soligha jawab bérip mundaq dédi: «men buninggha éniq jawab bérelmeymen, chünki men yighingha qatnashmighan, yighingha edliye ministiri günnar strommér qatnashqan idi.»
jonson qaysi térrorluq guruppilirigha qarshi küresh qilish mesilisining, türkiye, shiwétsiye we finlandiye imzalighan üch terep kélishim layihesidinmu orun alghanliqini eskertti.
2022-yili 6-ayning 28-küni madridta ötküzülgen nato bashliqlar yighinida imzalanghan kélishim layihesige mundaq bir belgilime kirgüzülgen: «finlandiye bilen shiwétsiye natoning kelgüsidiki ittipaqdashliri süpitide, türkiyening dölet bixeterlikige tehdit salidighan barliq xirislargha qarshi türkiyeni toluq qollaydu. bu dairide finlandiye bilen shiwétsiye y p g/p y d we fethullahchi térrorluq teshkilati qatarliq térrorluq teshkilatlirini qollimaydu. türkiyemu finlandiye we shiwétsiyening dölet bixeterlikige tehdit shekillendüridighan xirislargha qarshi bu ikki döletni toluq qollaydu.»
natoning litwaniye paytexti wilnyusta chaqirilghan bashliqlar yighini dairiside emelge ashurulghan türkiye - shiwétsiye- nato üch terep uchrishishidin kéyin élan qilinghan yazma bayanattimu, shiwétsiyening töwendiki wedisi alahide tekitlinip mundaq déyilgen: «shiwétsiye y p g/p y d we türkiyede fethullahchi térrorluq teshkilati dep atilidighan teshkilatni qollimasliqqa wede béridu.»
مۇناسىۋەتلىك خەۋەرلەر
iraqtiki bir tebiiy gaz meydani hujumgha uchridi
iraqning sulaymaniye shehiridiki kor-mor tebiiy gazliq uchquchisiz hawa apparati hujumigha uchridi.
