nato: xitayning 2035 - yilighiche 1500 yadro oq béshigha ige bolidighanliqini mölcherlewatimiz
bash katip stolténbérg litwaniye paytexti wilnyusta chaqirilghan nato bashliqlar yighinining axirida muxbirlarni kütüwélish yighini ötküzüp, soallargha jawab berdi.
türkiye awazi radiyosi xewiri: shimaliy atlantik ehdi teshkilati — nato bash katipi yéns stolténbérg natoning xitayning 2035- yilghiche shimaliy amérika we yawropaning hemme yérige yétip baralaydighan bashqurulidighan bomba jehette, 1500 yadro oq béshigha ige bolidighanliqini mölcherlewatqanliqini bildürdi.
u xitay toghrisidiki bir soalgha jawab bérip, nato bashliqlar yighinida, bolupmu natoning awstraliye, yéngi zélandiye, jenubiy koréye we yaponiye bilen körüshüshliride xitaygha qarshi küchlük uchurlarning bérilgenlikini éytti.
bixeterlikning rayon xaraktérlik emes, yershari xaraktérlik mesile ikenlikini tekitligen bash katip stolténbérg, xitayning herbiy iqtidargha séliwatqan mebleghlirini tilgha élip: «biz xitayning 2035- yilighiche shimaliy amérika we yawropaning, yeni shimaliy atlantik ehdi teshkilatining hemme zéminlirigha yétip baralaydighan bashqurulidighan bomba jehette 1500 yadro oq béshigha ige bolidighanliqini texmin qiliwatimiz. biz xitayning bizge qanchilik yéqinlashqanliqini körüwatimiz» dégenlerni qeyt qildi.
xitayning dunyaning afriqa we shimaliy qutup rayoni qatarliq nurghun jaylirigha bérip, muhim ul- eslihelerni kontrol qilishqa urunuwatqanliqini hemde tor boshluqlirigha kirgenlikini bildürgen bash katip yéns stolténbérg, natoning hindi- tinch okyan rayonidiki shérikliri awstraliye, yéngi zélandiye, koréye we yaponiye bilen déngiz bixeterliki uchur bulghinishigha qarshi küresh we tor sahesi qatarliq mesililer boyiche xizmetlerni ishlewatqanliqini sözlirige ilawe qildi.
