baydin: «F-16» tipliq urush ayropilanlirini türkiyege sétip bérimiz
amérika qoshma ishtatliri pirézidénti jo baydin «F-16» tipliq urush ayropilanlirini türkiyege sétip béridighanliqlirini éytti .
türkiye awazi radiyosi xewiri: baydin litwaniyening paytexti wilnyusta chaqirilghan shimaliy atlantik ehdi teshkilati bashliqlar yighinidin kéyin, ayropilangha olturup finlandiyege qarap yolgha chiqish harpisida muxbirlarning soallirigha jawab berdi.
pirézidént baydin türkiyege «F-16» tipliq urush ayropilanlirini sétip bérishke qarshi chiqqan nyu jérsiy ishtatining kéngesh palata ezasi bob ménéndézning étirazidin waz kéchip kechmigenliki toghrisidiki soalgha jawab bérip mundaq dédi: «men türkiyening shiwéytsiyening shimaliy atlantik ehdi teshkilatigha eza bolushini dawamliq qollaydighanliqigha we <F-16> tipliq urush ayropilanlirini türkiyege sétip béridighanliqimizgha ishinimen.»
u shimaliy atlantik ehdi teshkilati bashliqlar yighini dairiside tünügün ukraina pirézidénti wolodimir zélénskiy bilen élip barghan uchrishishiningmu muweppeqiyetlik ötkenlikini eskertti, hemde ukrainaning shimaliy atlantik ehdi teshkilatigha eza bolushi mesilisi toghriliq toxtilip mundaq dédi: «zélénskiy chüshinip yetken heqiqet shuki, ukrainaning shimaliy atlantik ehdi teshkilatigha eza bolushqa sherti toshsila ukrainaning taki urush axirlashqangha qeder kütüshi shert emes. shundaqla ukrainaning hazir shimaliy atlantik ehdi teshkilatigha eza bolup - bolmasliqimu muhim emes.»
