kuweyt shiwéytsiyede quran kerim tarqitidu
kuweyt hökümiti shiwéytsiyede tarqitish üchün 100 ming nusxa quran kerimni shiwéytsiye tilida neshir qilishni qarar qildi.
türkiye awazi radiyosi xewiri: kuweytning kuna agéntliqining xewirige qarighanda, kuweyt ministirlar kéngishining heptilik yighinida, shiwéytsiye xelqige islamning xush péilliq dini ikenlikini namayan qilish üchün, bu dölette quran kerimni tarqitish toghriliq qarar chiqirilghan.
kuweyt bash ministiri sheyx ehmed newwaf elehmed essabahning yolyoruqigha asasen, 100ming nusxa quran kerim shiwéytsiye tilida neshir qilinidiken.
quran kerimning shiwéytsiye tilidiki terjimisi kuweyt tashqi ishlar ministirliqining riyasetchilikide shiwéytsiyede tarqitilidiken. shundaqla shiwéytsiyeliklerge islamning söygü we xush péilliq dini ikenliki teshwiq qilinidiken. bu paaliyetler arqiliq islam dinining qimmet ölchemliri we pirinsipliri tonushturulidiken, hemde islamning pütkül insaniyetning birlikte yashishigha kapaletlik qilishni nishan qilidighan bir din ikenliki otturigha qoyulidiken.
shiwéytsiyening paytexti stokholmda, esli iraqliq salwan momika 28-iyun küni stokholm jamesining aldida saqchilarning qoghdishi astida quran kerimni köydürgenidi.
bu weqe türkiyeni öz ichige alghan xelqara jemiyetning qattiq naraziliqini qozghighanidi.
