rusiye qara déngiz ashliq kélishimisizmu rusiyening ashliq éksportining dawamlishidighanliqini bildürdi
rusiye tashqi ishlar ministiri sérgéy lawrow qara déngiz ashliq kélishimi bikar bolup ketken teqdirdimu, rusiyening déhqanchiliq mehsulatliri éksportining dawamlishidighanliqini éytti.
türkiye awazi radiyosi xewiri: rusiye tashqi ishlar ministiri sérgéy lawrow sin körünüshlük muxbirlarni kütüwélish yighinidiki sözide, qara déngiz ashliq kélishimi bikar bolup ketken teqdirdimu, rusiyening déhqanchiliq mehsulatliri éksportining ziyangha uchrimaydighanliqigha isharet qilip: «her qandaq ehwalda, bizning oghut we ashliq éksportimiz dawamlishidu. men shériklirimizning ziyangha uchrimaydighanliqigha ishinimen» dédi.
ministir lawrow ashliq kélishimining ukrainaning ashliq éksportigha munasiwetlik qismining soda xaraktérige ige bolghanliqini eskertip: «ashliqning %2.5 tin bir az köprekining eng namrat döletlerge éksport qilinghanliqini, kélishim bikar qilinghan ehwal astida, rusiyening chiqimlirini öz üstige alghan halda, eng namrat döletlerni mushuninggha oxshash yaki téximu köp miqdarda ashliq bilen heqsiz teminleshke kapaletlik qilidighanliqi»ni éytti.
