putin: rusiyede quran kerimge hörmetsizlik qilish jinayettur

türkiye awazi radiyosi xewiri: pirézidént putin bezi döletlerde quran kerimge hörmetsizlik qilishning jinayet dep qaralmaydighanliqini tekitlidi.

rusiye pirézidénti wiladimir putin rusiye fédératsiyesige qarashliq daghistan aptonom jumhuriyitining derbent shehiride ziyarette boldi.

derbent shehiridiki tarixiy jameni ziyaret qilghan putin bu yerde daghistanliq musulmanlarning wekilliri bilen bir yerge jem boldi.

musulmanlarning qurban héytini tebrikligen putingha quran kerim hediye qilindi.

wiladimir putin hediye üchün minnetdarliq bildürüp mundaq dédi: «quran kerim musulmanlar üchün muqeddestur, bashqilar üchünmu shundaq. biz bezi döletlerning quran kerimge qarita oxshash bolmighan muamilide bolidighanliqini bilimiz. jümlidin bu döletler  kishilerning diniy héssiyatigha hörmet qilmaydu, buni jinayet depmu qarimaydu. bizning dölitimizde bolsa bu hem asasiy qanun hem jaza qanunigha asasen jinayet hésablinidu. biz bu qanuniyetlerge her daim riaye qilimiz.»