putin: eng muhim wezipimiz yadro küchimizni tereqqiy qildurush
wiladimir putin rusiyening yadro küchini tereqqiy qildürüshni eng muhim wezipe dep qaraydighanliqini éytti.
türkiye awazi radiyosi xewiri: putin rusiye pirézidéntliq mehkimisi — krémil sariyida her qaysi herbiy mekteplerni elachi püttürgen yash ofitsérlar bilen körüshüp, ularni tebriklidi hemde armiyeni kücheytish yolida qilinghan xizmetler heqqide melumat berdi.
putin armiyeni kücheytish we döletning bixeterlikini saqlashning bashtin- axir muhim orunni igilep kelgenlikini, buningdin kéyinmu shundaq bolidighanliqini tekitlidi.
rusiyening yéngi xirislar we ukrainada élip bériwatqan «alahide herbiy heriket» tejribisini yekünlep, armiyeni dawamliq omumyüzlük tereqqiy qilduridighanliqlirini bildürgen putin: «bizning eng muhim wezipimiz rusiyening bixeterliki we yer shari muqimliqining asasliq kapaliti bolghan yadro küchimizning tereqqiy qildurulushi. bashqurulidighan bomba qisimlirimizning yérimigha yéqini eng yéngi yars esliheliri bilen qorallanduruldi. armiyemiz awangart hipersonik urush oq béshigha ige zamaniwi bashqurulidighan bomba sistémiliri bilen qaytidin qorallandurulmaqta. yéqin kelgüside yéngi éghir tiptiki bashqurulidighan bombilar üchün layihelengen sarmat qoyup bérish supiliri jeng wezipisini üstige alidu» dégenlerni qeyt qildi.
wiladimir putin yadro qisimlirining hawa we déngiz wasitilirining oq - dora ambiriningmu yéngilanghanliqini tilgha élip: «rusiyening yadro küchi istratégiyelik tehditlerni ünümlük we ishenchlik bir terep qilip, yer sharining küch tengpungluqini saqlashni imkaniyetke ige qilidu» dédi.
uchquchisiz hawa apparatlirining urushtiki ehmiyiti heqqidimu toxtalghan pirézidént putin, ularni türkümlep ishlepchiqirip, barliq herbiy qisimlargha tarqitip béridighanliqlirini sözlirige ilawe qildi.
