parizhdiki partlashta yarilanghanlarning sani 37 ge yetti

türkiye awazi radyosi xewiri: firansiye ichki ishlar ministiri gérald darmanin parizhning 5-rayonidiki partlashta töt kishi éghir bolup, jemiy 37 kishining yarilanghanliqini, éghir yarilanghanlarning hayati xewp astida ikenlikini bildürdi.

darmanin gerche éniq bolmisimu ikki kishining yoqap ketkenlikini, partilashtin ilgiri héchqandaq agahlandurush bérilmigenlikini we partlashning néme sewebtin kélip chiqqanliqi heqqidimu melumati yoqluqini éytti.

pirézidént émmanuél makron twittérdiki bayanatida, pütün oy-pikirining yaridarlar we yoqap ketkenler üstide ikenlikini bildürdi.

parizh 5-rayonining bashliqi édoward siwél twittérda élan qilghan bayanatida, wal dé greys mehelliside gaz chiqip kétish sewebidin partlash yüz bergenlikini bildürdi.

parizh teptish mehkimisi bolsa, partlash sewebining téxiche éniq emeslikini élan qildi.

parizh saqchi idarisining bashliqi lorént nunéz partlashning saynt jak kochisidiki moda mektipi bar binada yüz bergenlikini uqturdi.

lorént nunéz partlash sewebidin ot apiti yüz bergenlikini we ot öchürüsh etritining otning yan tereptiki ikki binagha tutiship kétishining aldini alghanliqini bildürüp, bu binadikilerning partlashning tesirige uchrighanliqi üchün tarqaqlashturulghanliqini éytti.