israiliyening jéningha qilghan hujumlirida hayatidin ayrilghanlar sani yettige yetti
israiliyening ishghaliyet astidiki pelestinning gherbiy qirghaq (iyordan deryasining gherbiy qirghiqi) rayonigha jaylashqan jénin shehirige qilghan hujumida yarilanghan 15 yashliq bir qiz hayatidin ayrildi.
türkiye awazi radiyosi xewiri: pelestin sehiye ministirliqi yazma bayanat élan qilip, israiliye eskerlirining gherbiy qirghaqning shimaligha jaylashqan jénin shehirige qilghan 19 – iyundiki hujumida éghir yarilanghan 15 yashliq sedil neghneghiyyening hayatidin ayrilghanliqini uqturdi.
shundaq qilip, israiliyening jénin shehirige qilghan hujumida öltürülgen pelestinlikler sani ikkisi kichik bala bolup jemiy yettige yetti.
israiliye eskerliri düshenbe küni ishghaliyet astidiki gherbiy qirghaqning shimaligha jaylashqan jénin shehirige «apaché» tipliq tik uchar ayropilan we quruqluqtin hujum qilip, bir kichik balini öz ichige alghan alte ademning jénigha zamin bolghan, 66 ademni yarilandurghanidi. sürkilish jeryanida, israiliyening yette eskirimu yarilanghanidi.
israiliyening mushu yilning béshidin buyanqi gherbiy qirghaqqa qaratqan qanliq hujumliri we muhasire astidiki ghezze shehirige qilghan hawa hujumlirida öltürülgen pelestinlikler sani 174 ke yetti.
