gérmaniye armiyesining ambirida top oqi azlap ketti
gérmaniye armiyesining qoral-yaragh ambirida peqet 20 ming dane partlitish küchi yuqiri top oqining qalghanliqi ilgiri sürüldi.
türkiye awazi radiyosi xewiri: gérmaniye ukrainagha herbiy jehettin yardem qilishni dawamlashturuwatqan bir peytte, gérmaniyede chiqidighan heptilik siyasiy zhurnal «Der Spiegel» xamchot komitétini jiddiy sétiwélish lazimliqigha qayil qilish üchün, dölet mudapie ministirliqining mexpiy höjjetlirini menbe körsetken halda bir xewer élan qildi.
xewerde, gérmaniye armiyesining qoral-yaragh ambirida peqet 20 ming dane partlitish küchi yuqiri top oqining qalghanliqi bildürüldi.
xewerde, gérmaniye armiyesining 2031-yiligha barghanda texminen 230 ming top oqi bolghan bir ambar qurup chiqirishi kérekliki, shundaq bolghandila shimaliy atlantik ehdi teshkilatining 30 künlük keskin urushigha berdashliq béreleydighan sewiyege kélidighanliqi eskertildi.
xewerde, dölet mudapie ministirliqining xamchot komitétigha kelgüsi bir nechche ay ichide téz süretlik zembirek we tanka oqliri sétiwélishi toghrisida toqquz toxtam sunushni meqset qilghanliqi uqturuldi.
gérmaniye qatarliq nurghun döletler aldinqi yili (2022) féwraldin buyan rusiyening hujumigha qarshi ukrainagha xowtizérlarda ishlitilidighan zembirek oqi yardem qilish üchün heriketke ötken we öz modapiesige saqliniwatqan oq zapisini tügetken idi.
