süriye yighini astanada échilidu
türkiye bilen süriye munasiwetlirining normallishishigha munasiwetlik «süriye» témiliq yighin, ete (20-iyun) qazaqistan paytexti astanada ötküzülidu.
türkiye awazi radiyosi xewiri: qazaqistan paytexti astanada ötküzülidighan «süriye» témiliq yighinda, türkiye, süriye, rusiye we iran muawin tashqi ishlar ministirliri uchrishidu.
enqere bilen demeshiq otturisida aridin 11 yil ötkendin kéyin tunji qétimliq uchrishish, 2022-yili 28-dékabirda emelge ashqan idi. shu qétimliq uchrishishta, dölet mudapie ministirliri we istixbarat idarilirining bashliqliri körüshkendin kéyin, ikki döletning muawin tashqi ishlar ministirliri rusiye paytexti moskwada körüshken idi.
bu qétimqi uchrishish, 19-iyun (2023) muawin tashqi ishlar ministirliri arisida qazaqistan paytexti astanada emelge ashurulidu.
töt terepning tunji uchrishishida, türkiye bilen süriye otturisidiki munasiwetlerni normallashturush üchün bésilidighan konkrét qedemler muzakire qilinidu.
türkiye térrorluqqa qarshi küresh, mesilini siyasiy yol bilen hel qilish, musapirlarning ixtiyariy halda bixeter we izzet-hörmiti bilen yurt-makanlirigha qaytishigha munasiwetlik qararini yene bir qétim tekitleydu.
demeshiq hökümitining türkiye aldin ehmiyet béridighan mesililerge tutqan pozitsiyesi, ilgirilesh hasil qilishni belgileydu.
