shi: blinkénning ziyaritide nurghun mesililerde kélishim hasil qilindi
amérika tashqi ishlar ministiri antoni blinkén xitay ziyariti dairiside, shi jinping bilen körüshti.
türkiye awazi radiyosi xewiri: xitay reisi shi jinping amérika tashqi ishlar ministiri antoni blinkénning ziyaritide, amérika bilen xitayning bir qatar mesililerde ilgirilesh hasil qilghanliqini we kélishim hasil qilghanliqini bildürdi.
xitay tashqi ishlar ministirliqining shi jinping-blinkén körüshüshige munasiwetlik bayanatida, «xitay meydanini élan qildi, her ikki terep shi jinpingning pirézidént baydin bilen 2022-yili balida ötküzülgen G20 bashliqlar yighinida hasil qilghan pikir birlikini ijra qilishni qobul qildi» déyildi.
ikki künlük dölet ishliri ziyaritide bolush üchün xitay paytexti béyjinggha yétip kelgen blinkén, 2021-yili pirézidént jo baydin wezipige olturghandin buyan xitayni ziyaret qilghan eng yuqiri derijilik amérikaliq emeldar bolup qaldi.
u tünügün (18-iyun) xitay tashqi ishlar ministiri chin gang bilen körüshken idi.
amérika-xitay otturisida teywen mesilisidin tartip, jenubiy déngizdiki herbiy jiddiylikkiche, iqtisadiy we téxnologiyelik riqabettin kishilik hoquq mesililirigiche bolghan nurghun sahelerde mesile körülmekte.
