b d t darfur rayoni weziyitining yamanlishiwatqanliqi toghrisida agahlandurdi

türkiye awazi radiyosi xewiri:  b d t ning insanperwerlik ishlirigha mesul muawin bash katipi we jiddiy yardem kordinatori martin giriftis sudanning darfur rayonidiki weziyet toghrisida yazma bayanat élan qildi.

u bayanatida: «darfur weziyiti tézlikte balayiapetke qarap méngiwatidu. dunya buninggha yol qoymaydu, balayiapet qayta yüz bermeydu» dédi.

u sudandiki toqunushlarning üchinchi éyigha qedem qoyghanliqini bildürüp, sudandiki insaniy weziyetning yamanlishiwatqanliqini alahide tekitlidi.

u 1 milyon 700 ming kishining öy-makanliridin ayrilghanliqini, bularning ichide 500 minggha yéqin kishining sudanning sirtida panahliq tiligenlikini bildürdi.

u mundaq dédi:

«men darfurdiki kishilerning turmushining qabahetlik chüshke pétip qalghan sharaitidin qattiq ensireymen.»

u dölet ichidiki yerlik teshkilatlarni öz ichige alghan insanperwerlik yardem organlirining pütün küchi bilen jan qutquzidighan eshyalarni toluqlash we bularni jayigha yetküzüsh üchün tirishiwatqanliqini, emma toqunushlarning bu tirishchanliqlargha tosqunluq qiliwatqanliqini bildürdi.

u: «xelqler arisida zorawanliqlar kéngiyiwatidu, 20 yil ilgiri darfurda yüz bergen ejellik toqunushlarni ulghaytqan étnik ziddiyetning qaytidin bashlinidighanliqi toghrisida tehdit sélinmaqta» dédi.

sudan armiyesi ilgiri qollighan, emma musteqil we parallél armiye süpitide heriket qilghanliqi üchün tehdit dep qaralghan téz yardem qilish qoralliq küchlirining ikki yil ichide armiye terkibige kirishini telep qilghan idi.

téz yardem qilish qoralliq küchliri xelq hökümiti qurulup 10 yildek waqit ichide buni qobul qilalaydighanliqini jakarlishi bilen bashlanghan éghiz urushi sewebidin otturigha chiqqan keskin weziyet,  15-aprél (2023) etigende paytext xartum we her qaysi sheherlerde qoralliq toqunushqa aylanghan idi.

dunya sehiye teshkilati sudanda dawamlishiwatqan toqunush sewebidin 850 kishining jénidin ayrilghanliqini, 5500 kishining yarilanghanliqini élan qildi.