b d t: 2022 - yili 3789 köchmen seper üstide öldi
birleshken döletler teshkilati aldinqi yili 2022 - yili ottura sherq we shimaliy afriqadin ayrilghan 3789 köchmenning seper üstide qaza qilghanliqini bildürdi.
türkiye awazi radiyosi xewiri: birleshken döletler teshkilatigha qarashliq xelqara köchmenler teshkilati (IOM) teripidin élan qilinghan maqalide, 2022-yili 1-aydin 12-ayghiche ottura sherq we shimaliy afriqadin ayrilghan 3789 köchmenning seper üstide qaza qilghanliqi tekitlendi.
shuning bilen, 2022 – yili 4 ming 255 köchmen qaza qilghan 2017-yildin buyan seper üstide eng köp köchmenning ölüp ketkenliki, 2022 – yilqi köchmenlerning seper üstide ölüp kétish nisbitining 2021-yildikige sélishturghanda 11 % köpiyip ketkenliki qeyt qilindi.
maqalide mundaq déyildi: «shimaliy afriqa yuqiri süretlik tashyollirida, bolupmu xeterlik sehrayi kebir qumluqidin ötüsh jeryanida 203 adem qaza qilghan, ottura sherq tashyollirida 825 adem ölüp ketken. shimaliy afriqa yuqiri süretlik tashyollirida eng köp ölüm hadisiliri 117 kishi qaza qilghan liwiyede körülgen, bu döletin qalsa, aljiriyede 54, marakeshte 13, tunista 10, misirda toqquz kishi qaz qilghan.»
xelqara köchmenler teshkilati eng köp köchmenning déngiz seperliri üstide jénidin ayrilghanliqini bildürdi.
maqalide mundaq déyildi: «liwandin girétsiye we italiyege qarap yolgha chiqqan kémilerde ölüp kétiwatqanlarning sani barghanséri köpeymekte. bu jeryanda kem dégende 174 adem qaza qilghan, bu ötken yili sherqiy aqdéngiz yönilishide qaza qilghanlar omumiy sanining yérimini teshkil qilidu.»
maqalide 2022-yili ottura sherq we shimaliy afriqadin quruqluq arqiliq yolgha chiqqan 1028 köchmenning, déngiz arqiliq yolgha chiqqan 2761 köchmenning seper üstide jénidin ayrilghanliqi eskertildi.
