dunya sehiye teshkilati ukrainada yuqumluq késelliklerdin agahlandurdi
dunya sehiye teshkilati ukrainada kaxowka tosmisi we su éléktr istansisi partlitilghandin kéyin, selning tesirige uchrighan rayonlarda, «su seweb bolghan yuqumluq késellikler» din endishe qiliniwatqanliqi bildürüldi.
türkiye awazi radiyosi xewiri: dunya sehiye teshkilatining ukraina wekili zharno xabit b d t ning jenwediki ishxanisida ötküzülgen heptilik axbarat élan qilish yighinida söz qildi.
u: «hazirghiche su seweb bolghan yuqumluq késellikler heqqide héchqandaq doklat élan qilinmidi, emma dunya sehiye teshkilati yuqumluq késelliklerge qarshi teyyar halette. dunya sehiye teshkilati su sewebidin yuqidighan késellikler toghrisida ammining tonushini östürüsh üchün dawamliq tirishchanliq körsitidu» dédi.
u sel yüz bergen rayonda pakize sugha éhtiyajliq yüz minglarche kishining barliqini eskertip, partlitilghan tosmining etrapidiki 30 ahaliler rayonining su astida qalghanliqini bildürdi.
u dunya sehiye teshkilatining shu yerdiki saqliq saqlash xadimliri bilen hemkarlishiwatqanliqini we xoléra diyagnoz üskünisi tarqatqanliqlirini qeyt qildi.
u rayondiki minalarning chong endishe peyda qiliwatqanliqini tekitlep mundaq dédi:
«dunya sehiye teshkilati üchün rayondiki minalarni tazilash eng muhim orunda turidu. rayonning su orni örligen bolsimu, aldimizdiki künlerde töwenleydu. bu ehwal rayonda mina sewebidin otturigha chiqidighan xeterlerni kücheytiwétishi mumkin. minalarning orni heqqidiki uchurlar eng qisqa waqit ichide toplinishi kérek.»
