ukraina qisimliri baxmutta 1400 métir ilgirilidi
ukraina armiyesi sherqiy qisim bayanatchisi sérgéy chéréwatiy ukraina qisimlirining baxmut terepke qarap 1400 métir ilgiriligenlikini bildürdi.
1998015
türkiye awazi radyosi xewiri: ukraina armiyesi sherqiy qisim bayanatchisi chéréwatiy bir téléwiziye programmisida sherq aldinqi sépining ehwali heqqide toxtaldi.
sérgéy chéréwatiy ukraina armiyesining baxmut terepke qarap ilgirilewatqanliqini bildürüp: «mushu bir kün ichidila aldinqi sepning oxshash bolmighan jaylirida 1400 métir ilgirileshni qolgha keltürdüq. düshmen aktip mudapiede turmaqta we qisimlirimizni bombardiman qilmaqta» dédi.
mushu bir kün ichiila baxmut yönilishide alte qétim toqunush yüz bergenlikini tilgha alghan chéréwati, rusiye qisimlirining ukraina eskerlirige 330 qétim zembirek we sekkiz qétim hawa hujumi élip barghanliqini bildürdi.
