zaxarowa: biz erdoghanning türkiye - rusiye munasiwetlirige dair bayanatlirigha ehmiyet bérimiz
rusiye tashqi ishlar ministirliqi bayanatchisi mariya zaxarowa moskwaning türkiye bilen bolghan munasiwetlerde jumhur reis erdoghanning köp tereplik hemkarliqni tereqqiy qildurush niyiti toghrisidiki bayanatlirigha ehmiyet béridighanliqini bildürdi.
türkiye awazi radiyosi xewiri: bayanatchi mariya zaxarowa paytext moskwada ötküzgen heptilik muxbirlarni kütüwélish yighinida küntertiptiki mesililerge munasiwetlik soallargha jawab berdi.
u moskwaning türkiyediki yéngi hökümetning rusiye we amérika bilen tengpung munasiwetni saqlap qélishini ümid qilidighan yaki qilmaydighanliqi toghrisidiki bir soalgha jawab bérip, aldi bilen özlirining türkiyening qayta saylanghan jumhur reisi erdoghanning «enqerening rusiye bilen ikki döletning tüp menpeetlirini közde tutqan asasta, özara nep yetküzidighan, köp tereplimlik hemkarliqni tereqqiy qildurush niyiti barliqi» heqqidiki sözlirige ehmiyet béridighanliqlirini bildürdi.
bayanatchi zaxarowa sözini dawamlashturup: «biz bundaq berpachi ijabiy pozitsiyeni qarshi alimiz hemde bu xil chüshenchilerning yolgha qoyulushigha ilham bérimiz we otturigha chiqishi kérek bolghan netijilerni közitimiz» dégenlerni qeyt qildi.
