engliye bash weziri amérikada ziyarette boldi
engliye bash weziri rishi sunak amérika qoshma ishtatliridiki dölet ishliri ziyariti dairiside, amérika awam palatasining reisi kéwin makkarti bilen körüshti.
türkiye awazi radiyosi xewiri: engliye bash weziri rishi sunak washingiton ziyariti dairiside, amérika awam palatasining reisi kéwin makkarti we palata ezaliri bilen körüshti.
makkarti körüshüsh harpisida bergen bayanatida, amérika qoshma ishtatliri – engliye munasiwetlirining tarixining nahayiti uzungha sozulidighanliqini, ikki dölet otturisidiki munasiwetlerni kücheytishning «dunyani téximu bixeter jaygha aylanduridighanliqini» éytti.
engliye bash weziri rishi sunak bolsa, özining amérika qoshma ishtatlirida dölet ishliri ziyaritide bolghanliqidin xushal ikenlikini bildürüp, uchrishishta iqtisadni öz ichige alghan ikki terep munasiwetlirini kücheytish toghriliq muzakire élip baridighanliqlirini qeyt qildi.
sunak amérika awam palatasidiki ziyariti dairiside yene, démokratlar partiyesi we jumhuriyetchiler partiyesining palata rehberliri bilenmu bir yerge jem boldi.
