seudi erebistan xartumdiki elchixanisigha qilinghan hujumlarni qattiq eyiblidi
seudi erebistan bir qisim qoralliq guruppilarning sudandiki elchixana binasi we uning qoshumche binalirigha qilghan hujumini qattiq eyiblidi.
türkiye awazi radiyosi xewiri: seudi erebistan tashqi ishlar ministirliqi yazma bayanat élan qilip: «(seudi erebistan) tashqi ishlar ministirliqi sudandiki elchixana we uning qoshumche binalirigha qilinghan hujum we buzghunchiliqlarni, elchixana xadimlirining turalghuliri we mal- mülüklirige qarshi sadir qilinghan qilmishlarni eng küchlük shekilde eyibleydu» dédi.
seudi erebistanning diplomatik orunlargha qarshi élip bérilidighan her xil zorawanliq we buzghunchiliqlarni pütünley ret qilidighanliqi eskertilgen bayanatta, sudan we qérindash xelqning qaytidin bixeterlikke hemde muqimliqqa ige bolushigha tosqunluq qilidighan qoralliq guruppilargha qarshi turushning muhimliqi tekitlendi.
sudanda texminen ikki aydin buyan sudan armiyesi bilen yérim herbiy xaraktérge ige téz yardem bérish qisimliri otturisidiki toqunushlar dawam qilmaqta, paytext xartumdiki diplomatik orunlargha basturup kirish we hujum qilish qilmishliri yüz bermekte.
elchixana binaliri hujumgha uchrighan döletlerning ichide qatar, iyordaniye we liwiye qatarliq döletlermu bar.
