haytida mehbuslar achliq we ussuzluqqa duchar bolmaqta

türkiye awazi radyosi xewiri: birleshken döletler teshkilatining sanliq melumatlirida körsitilishiche, ötken yili (2022) haytida 185 mehbus qaza qilghan bolup, bu yil (2023) ning béshidin buyan 20 din artuq mehbus qaza qilghan.

paytexttiki türmide tubérkulyoz késilige giriptar bolghan mehbuslarning yéterlik ghemxorluqqa érishelmigenliki, köpinchisining kündüzi su we yémekliktin mehrum qalghanliqi bildürülmekte.

yene bir tereptin, mehbuslarning yatidighan jayi bolmighanliqi sewebidin kéchini öre turup ötküzüshke mejbur bolidighanliqi, normalda tutup turush mudditi 48 saet bolsimu, haytida buning ijra qilinmaydighanliqi we tutup turush mudditining uzirap kétidighanliqi uqturulmaqta.

doklatta, haytidiki mehbuslarning %80 ning sotlinishini kütüwatqanliqi bildürülgen bolsa, kishilik hoquq mutexessisliri bu kishilerning sotqa chiqirilishi üchün bir qanche yil waqit kétishining mumkinlikini bildürmekte.

bezi mehbuslarning aile-tawabiatliri yémeklik we su élip kélidu dégendimu, tutup turush waqti uzarghanséri bu ehwalning dawamlishalmaydighanliqi uqturulmaqta.