finlandiye toqquz rus diplomatni chégradin qoghlap chiqirishni qarar qildi

türkiye awazi radiyosi xewiri: finlandiye hökümiti yazma bayanat élan qilip, finlandiye pirézidénti sauli niinisto we ministirlar kéngishining yighin chaqirip, nöwettiki özgirishlerni muzakire qilghanliqini uqturdi.

yighinda, rusiye - ukraina urushi we yawropaning nöwettiki bixeterlik weziyitining muzakire qilinghanliqi eskertilgen bayanatta: «pirézidént bilen ministirlar kéngishi kaxowka tosmisining örülüp chüshüshini insaniy we muhit apiti süpitide eyibleydu. tosmining partlishi ukraina puqraliri we muhitqa keng kölemde ziyan yetküzgen urushning yéngiche shekilde tereqqiy qiliwatqanliqidin dérek béridu. buningdin bashqa, moskwaning finlandiyede turushluq elchixanisida ishleydighan toqquz istixbarat xadimini chégradin qoghlap chiqirish mesiliside birdeklik hasil qilindi. bu kishiler <wiyénna diplomatik munasiwetler ehdinamisi>ge xilap heriketlerni sadir qildi. (finlandiye) tashqi ishlar ministirliqi bu heqte rusiye elchixanisini waqiplanduridu» dégen ibarilerge orun bérildi.

finlandiye tashqi ishlar ministirliqimu twittérdiki adrésida uchur hembehrilep, rusiye wekilining ministirliqqa chaqirtilip, rusiyening xélsinkidiki elchixanisida ishleydighan «istixbarat xadimi» dep éniqlima bérilgen toqquz xadimni chégradin qoghlap chiqirishining qarar qilinghanliqini uqturghanliqini jamaetchilik bilen ortaqlashti.