yawropa énérgiye tedbirlirini emeldin qalduridu
yawropa ittipaqi komitéti ötken yili (2022) énérgiye kirizisi sewebidin yolgha qoyulghan tok éhtiyajini azaytish we tok ishlepchiqarghuchi shirketlerning kirimini cheklesh qatarliq tedbirlerning bikar qilinidighanliqini élan qildi.
türkiye awazi radiyosi xewiri: yawropa ittipaqi komitéti yuqiri énérgiye bahasigha jiddiy taqabil turushni tekshürüsh üchün teyyarlanghan we yawropa kéngishige sunulghan doklatni élan qildi.
doklatta, énérgiye bazirigha bolghan tok éhtiyajini töwenlitish, énérgiye ishlepchiqarghuchilarning kirimige chek qoyush we parche sétish bahasini tengshesh qatarliq belgilimilerning, yawropa énérgiye bazirining rahetlishige paydiliq bolghanliqi körsitildi.
doklatta, yawropa ittipaqi éléktr baziridiki teminlesh we bahaning aldinqi yilgha (2021) sélishturghanda körünerlik özgergenliki bayan qilinghan doklatta, «muhim tedbirlerni uzartish hazirche zörür yaki tewsiye qilinidighan derijide emes» déyildi.
doklatta, yawropa ittipaqi komitétining énérgiye kirizisi tedbirlirini uzartishni teklip qilmaydighanliqi eskertildi.
her mégawat saet tok bahasining 80 yawrodin töwenligenliki qeyt qilinghan doklatta, 2022-yil ichide közitilgen tok bahasidiki ösüsh ehwalining, kéler yili (2024) qish peslide körülmeslik mumkinliki otturigha qoyuldi.
yawropa ittipaqigha eza döletler bultur (2022) rusiye-ukraina urushi we énérgiye kirizisi sewebidin tebiiy gaz we tok bahasining örlishige qarshi nurghun tedbirlerni we her xil yardem qilish pirogrammilirini yolgha qoyghan idi.
