bügün pütkül firansiye miqyasida 250 nuqtida namayish ötküzülidighan boldi
firansiyede pinsiye yéshini ikki yil uzartqan talash-tartishliiq islahatqa qarshi bügün (6-iyun) memliket miqyasida 14-qétimliq keng kölemlik ish tashlash we namayishlar ötküzülidighan boldi.
türkiye awazi radiyosi xewiri: firansiyening aldinqi qatardiki ishchilar uyushmilirining chaqiriqigha binaen énérgiye we qatnash qatarliq nurghun sahe ish tashlash we naraziliq bildürüsh qararigha keldi.
bu dairide, 1 milyongha yéqin kishining kochilargha chiqip namayish qilishi mölcherlenmekte.
namayish sewebidin paytext parizh we uning etrapida etigen saetlerdin bashlapla qatnash qisliqi yüz berdi.
parizh, lion, marsél we bordo sheherliri qatarliq pütkül firansiye miqyasida, 250 nuqtida namayish ötküzülidighan boldi.
yéqinqi ray sinash netijiliride ayan bolushiche, firansiye xelqining %57 i bügünki ish tashlash we namayishlarni qollaydiken.
ichki ishlar ministiri gérald darmanin namayish sewebidin 4000 nepiri parizhgha bolup, jemiy 11 ming saqchi we zhandarma xadimlirini pütkül memliket miqyasigha orunlashturulghanliqini élan qilghan idi.
darmanin chet eldin kélidighan ashqun solchilarning namayishqa qatnishidighanliqi heqqide axbarat tapshurup alghanliqini we qoshumche tedbirlerning élinghanliqini bildürgen idi.
