li jongsup bezi döletlerning shimaliy koréyening bomba sinaqlirigha sel qarawatqanliqini ilgiri sürdi

türkiye awazi radiyosi xewiri: singaporda ötküzülgen asiya - tinch okyan rayoni bixeterlik munberlirining biri bolghan shangri - la diyalog munbirige qatnashqan ministir li «rayon xaraktérlik jiddiychiliklerning hel qilinishi» témiliq yighindiki sözide, tehdit sélish xaraktérlik bashqurulidighan bomba sinaqliri arqiliq koréye yérim arili bilen tinch okyangha tesir körsitiwatqan shimaliy koréyening 2022 – yili bashqurulidighan bomba sinaq qilishta rékort yaratqanliqini bildürdi.

ministir li kim jongun hakimiyitining diqqitini yadro we bashqurulidighan bomba iqtidarini tereqqiy qildurushqa merkezleshtürüp, yémeklik yétishmeslik we iqtisadiy kirizisqa duch kelgen shimaliy koréye xelqining qiyinchiliqlirigha köz yumghanliqini ilgiri sürdi.

pyongyang hökümitining yéqin kelgüside yéngi yadro siniqi élip bérish mumkinchiliki barliqi toghrisidiki qarashlargha isharet qilghan ministir li jongsup, shimalning qanunsiz heriketlirige sel qaraydighan döletlerning barliqigha isharet qilip: «bezi döletler shimaliy koréyening qaidige xilap qanunsiz qilmishlirigha sel qarawatidu. bu birleshken döletler teshkilati xewpsizlik kéngishining jazalirida boshluqlarni peyda qilmaqta» dédi.

ministir li pyongyangning 2022 - yili bashqurulidighan bomba siniqi rékorti yaratqanliqini eslep: «ehwalning shundaq bolushigha qarimay, (bezi döletler qarshi chiqqanliqi) üchün, b d t da qoshumche jaza qararlirimu maqullinalmidi» dégenlerni qeyt qildi.

dunya we rayonning bixeterlik mesililiri muzakire qilinidighan muhim yighinlarning biri bolghan shangri la diyalogigha bu yil 40 dölettin kelgen 600 din artuq ammiwi wekil we mutexessis ishtirak qilmaqta.