ezerbeyjan, erméniye, gérmaniye, fransiye rehberliri we yawropa ittipaqi emeldarliri körüshti

türkiye awazi radiyosi xewiri: yawropa siyasiy gewdisi bashliqlar yighini chaqirilghan moldawiyening bulboaka baziridiki tarixiy mimi qelesidiki besh terep yighinigha ezerbeyjan pirézidénti ilham eliyéw, erméniye bash ministiri nikol pashinyan, yawropa kéngishi bashliqi charléz mishél, firansiye pirézidénti émmanuél makron we gérmaniye bash ministiri olaf sholz qatarliqlar qatnashti.

yawropa kéngishi reisi mishél yighin heqqide bayanat béri, buningdin ilgiri bélgiyening paytexti biryussélda muzakire qilinghan tinchliq kélishimi, qatnash, bixeterlik we chégra ayrish qatarliq barliq mesililerning muhakime qilinghanliqini éytti.

ezerbeyjan we erméniye rehberlirini bir yerge jem qilidighan kéler qétimliq yighinning 7- ayning 21- küni biryussélda ötküzülidighanliqigha isharet qilghan mishél: «munasiwetlerning normallashturulushi yolidiki barliq ijabiy tirishchanliqlarni qollaymiz» dédi.

eliyéw, pashinyan, makron we sholz bilen yawropa siyasiy gewdisining küzde ispaniyede ötküzülidighan kéler qétimliq yighini esnasidimu qayta körüshüshning qarar qilghanliqini bildürgen mishél, sözini dawamlashturup: «biz yawropa ittipaqi bolush süpitimiz bilen, munasiwetlerning normallishigha yardem qilish we ilgirilesh hasil qilish üchün qolimizdin kélishiche tirishchanliq körsitimiz» dégenlerni qeyt qildi.