nato shimaliy koréyeni eyiblidi
shimaliy atlantik ehdi teshkilati shimaliy koréyening süniy hemrah qoyup bérish teshebbusini eyiblidi.
türkiye awazi radiyosi xewiri: shimaliy atlantik ehdi teshkilati bash katipi jéns stolténbérg shimaliy koréyening bashqurulidighan bomba téxnologiyesi arqiliq herbiy süniy hemrah qoyup bérish teshebbusini eyiblidi.
stolténbérg bu heqte élan qilghan bayanatida, shimaliy koréyening bu teshebbusini qattiq eyiblep mundaq dédi: «shimaliy koréyening bu xil teshebbusliri rayonda jiddiychilikni ewj aldurup, rayon we xelqaraning bixeterlikige zor xewp – xeterlerni shekillendürmekte. shimaliy koréyenng bu qilmishi birleshken döletler teshkilati xewpsizlik kéngishining köpligen qararlirini ochuq - ashkara halda depsende qilghanliqtur.»
«shimaliy atlantik ehdi teshkilati shimaliy koréyeni bu ighwagerchilik heriketlirini toxtitishqa, uzaq mezgillik tinchliq we koréye yérim arilining toluq, delilligili bolidighan yadrosizlashturulushigha kapaletlik qilish üchün qaytidin diyalog ornitishqa chaqiridu. biz bu rayondiki koréye jumhuriyiti we yaponiyediki yéqin shériklirimiz bilen bir septe turimiz.»
shimaliy koréyening etigen tereplerde süniy hemrah qoyup bérish teshebbusi toshughuchi rakéta sistémisida körülgen kashila sewebidin meghlup bolghanidi.
shuning bilen, bu shimaliy koréyening 2016-yildin buyanqi 6-qétimliq meghlubiyetlik süniy hemrah qoyup bérish siniqi boldi.
