salwadorda kem dégende 153 mehbusning türmide qaza qildi
salwadorda, jinayet ötküzüsh nisbitini töwenlitish meqsitide jiddi halet élan qilinghandin buyan, kem dégende 153 mehbusning türmide qaza qilghanliqi éniqlandi.
türkiye awazi radiyosi xewiri: amérika-salwador merkezlik <kiristozal> namliq kishilik hoquq teshkilati, salwadorda jiddi halet sewebidin qolgha élinghan we türmige tashlanghan shundaqla türmide qaza qilghanlar toghrisidiki sanliq melumatlarni öz ichige alghan bir doklat élan qildi.
doklattiki sanliq melumatlarning qebriler we saqchi doxturliri höjjetliridin hemde türmide qaza qilghan mehbuslarning aile-tawabiatliri we qoyup bérilgen mehbuslarning aile-tawabiatliridin élinghanliqi bildürüldi.
bu jeryanda salwadordiki jinayet nisbitini töwenlitish üchün jiddi halet élan qilinghandin buyan 4 ayalni qoshqanda, kem dégende 153 mehbusning türmide qaza qilghanliqi éniqlandi.
doklatta mehbuslarning qiyin-qistaq, éghir yarilinish, ozuqluq yétishmeslik we éhtiyajliq dora we yémekliklerdin qesten mehrum qilish sewebidin qaza qilghanliqi bildürüldi.
amérika-salwador merkezlik <kiristozal> namliq kishilik hoquq teshkilati salwador hökümitini jiddi halet dairiside yolgha qoyulghan barliq tedbirlerni toxtitishqa chaqirdi.
salwadorda 2022-yili 27-martta bir ayliq jiddiy halet élan qilinghan we kéyin bu qarar her ayda bir qétim yéngilanghan idi.
pirézidént nayb buklé 30-iyunda qoralliq guruppilargha qarshi urushning küchiyidighanliqini éytqan idi.
salwadorda martning béshidin buyan dölettiki qara guruh ezalirigha qarshi heriketlerde 100 din artuq kishi qaza qilghan we qolgha élinghanlarning sani 60 mingdin ashqan idi.
