jasus aq kit bu qétim shiwétsiye déngiz sahilida bayqaldi

türkiye awazi radiyosi xewiri: tunji qétim norwégiyening finmark rayonida bayqalghan kit yekshenbe küni (2023-yili 29-may) shiwétsiyening gherbiy jenub déngiz sahiligha chaylashqan xunnébostrand rayonida bayqaldi.

déngiz-okyan biologi sébastiyan strand kitning tebiiy muhittin tézlikte yiraqlashqanliqini, buning sewebining éniq emeslikini bildürdi.

biolog strand: «bu belkim uni juplishishqa ittiridighan hormon bolushi mumkin. yaki yalghuzluq bolushimu mumkin, chünki aq kitlar ijtimaiyliqi yuqiri bir tür» dédi.

mezkur kit tunji qétim norwégiyede körülgende, norwégiye béliqchiliq bashqarmisining déngiz-okyan biologliri uningda insanlar teripidin yasalghan süniy kemer barliqini bayqighan idi.

kemerde heriket kamérasi ornitilghan méxanizm we «üsküniler sant pétirburg» dep yézilghan pilastik toqa tépilghan idi.

moskwa dairiliri kitning «rusiye jasusi» ikenlikige dair eyibleshlerge hazirghiche héchqandaq resmiy jawab qayturmidi.