rusiye armiyesi ukrainaning paytexti kiyéwgha hawadin hujum qildi
ukraina hawa mudapie qisimliri 40 tin artuq nishanni hawada pachaqlap tashlidi.
türkiye awazi radiyosi xewiri: kiyéw sheherlik herbiy ishlar idarisining bayanatida, rusiye qisimlirining paytext kiyéwgha hawadin hujum qilghanliqi bildürüldi.
bayanatta, rusiye qisimlirining etigendila (28-may) kiyéwgha bashqurulidighan bomba we uchquchisiz ayropilan bilen hujum qilghanliqi, peqet mushu may éyi ichidila paytextke 15 qétim hawa hujumi qilghanliqi eskertildi.
bayanatta, kiyéwgha hujum qilghan 40 tin artuq nishanning ukraina hawa mudapie qisimliri teripidin bayqalghanliqi we hawada pachaqlap tashlanghanliqi uqturuldi.
kiyéw sheher bashliqi witali klichkomu ijtimaiy alaqe torida élan qilghan bayanatida, hawada pachaqlap tashlanghan bir qisim bashqurulidighan bomba parchilirining herqaysi rayonlardiki ammiwi ul- eslihelerge chüshüp ziyan salghanliqini bildürdi.