iran erebistangha bash elchi teyinlidi
iran muawin tashqi ishlar ministiri eli riza inayetini riyad bash elchilikige teyinlidi.
türkiye awazi radiyosi xewiri: iran edliyesi tarqitish orgini — mizan xewer agéntliqi, iran bilen seudi erebistanning diplomatik munasiwiti eslige kelgendin kéyin, téhranning inayetini iranning riyadta turushluq bash elchisi qilip teyinlengenlikini xewer qildi.
eli riza inayeti ilgiri iranning kuweytte turushluq bash elchisi bolup wezipe ötigenidi.
riyad bilen téhran aridin yette yil ötkendin kéyin, 10 – martta béyjingda xitay emeldarlirining muresse qilishi bilen söhbet ötküzüp, ikki ay ichide diplomatik munasiwetni eslige keltürüsh toghrisida kélishim hasil qilghanidi.
iran tashqi ishlar ministiri hüseyin emir abdullahiyan bilen seudi erebistanliq mensepdishi feysal bin ferxanmu 6- aprél béyjingda körüshüp, ikki döletning elchixanilirini qaytidin échishi, ikki dölet otturisidiki nöwetchi ayropilan qatnishini eslige keltürüsh we özara wizilarni qolaylashturush toghrisida kélishkenidi.
abdullahiyan 11 – may bayanat bérip, seudi erebistanning téhrangha teyinleydighan bash elchisini özige tonushturghanliqini, özliriningmu seudi erebistangha teyinleydighan bash elchisini békitip, qisqa waqit ichide riyadqa melum qilidighanliqini éytqanidi.
aridin uzun yillar ötkendin kéyin, irandin seudi erebistangha qilinghan tunji yuqiri derijilik ziyaret, iran iqtisad ministiri ihsan handuzi we hemrahliqidiki heyetning 11- maydiki jidde ziyariti bolup qalghanidi.
