amérikada musulmanlargha ayrimchiliq qilish qilmishliri ewj élip ketti

türkiye awazi radiyosi xewiri: amérika qoshma ishtatliridiki eng chong musulman puqrawi kishilik hoquq teshkilati bolghan amérika-islam munasiwetliri kéngishining yéngi jérsiy ishtati ishxanisi «sot mehkimisining sirtida qalghan qilmishlar» namliq yilliq kishilik hoquq doklatini élan qildi.

doklatta eskertilishiche, jérséy ishtatidiki musulmanlargha ayrimchiliq qilish qilmishliri heqqidiki erz-shikayetler 2022 – yili aldinqi yilning oxshash mezgilige sélishturghanda %46 köpiyip ketken.

musulmanlardin %22.4 kishi xizmet muhitida,  %18.4 kishi ishqa orunlishish we iltimas qilish jeryanida ayrimchiliq qilish qilmishlirigha duch kelgen.

 mekteplerde musulman oqughuchilar eng köp bozek qilish, ders tengsizliki we oqutquchilarning gumaniy qarashliri qatarliq ayrimchiliq qilish qilmishlirigha duch kelgen.

doklatni teyyarlighuchilarning tekitlishiche, amérika qoshma ishtatlirida 2001-yilqi 11-séntebir hujumliridin kéyinla dölet miqyasida musulmanlargha qarshi ochuq - ashkara halda ewj alghan ayrimchiliq qilish qilmishliri aridin 20 yil ötkendin kéyinmu dawamlashmaqta iken. bolupmu musulmanlargha qarshi ayrimchiliq qilish qilmishlirining shekli nöwette «mexpiy gumaniy qarash» qa özgergen.