nigériyediki qoralliq hujumda 87 kishi qaza qildi
nigériye saqchiliri platéu ölkiside 15-mayda yüz bergen qoralliq hujumda 87 kishining qaza qilghanliqini bildürdi.
türkiye awazi radyosi xewiri: platéu ölkilik saqchi idarisi bayanatchisi alabo alfréd 15-mayda fungzay we kubyat yézilirigha qilinghan hujumda 87 kishining qaza qilghanliqini we 39 kishining yarilanghanliqini élan qildi.
alfréd yarilanghanlarning ölkining oxshimighan jayliridiki doxturxanilarda dawaliniwatqanliqini bildürüp, hujumgha chétishliq 7 kishining qolgha élinghanliqini eskertti.
alfréd qolgha élinghanlarning kéreklik tekshürüsh axirlashqandin kéyin sotqa chiqirilidighanliqini uqturdi.
platéu ölkisige qarashliq fungzay we kubyat yézilirida 15-mayda kechte qoralliq hujum yüz bergen idi.
mwagawul tereqqiyat jemiyitining reisi joséf gwankat hujumda 125 kishining hayatidin ayrilghanliqini élan qilghan idi.
dölet metbuatliridiki xewerlerde texminen 20 ming kishining öy-makanlirini tashlap, chérkaw, mektep we ochuq yerlerde panahlanghanliqi ilgiri sürülgen idi.
hujumdin kéyin, ölkide zorawanliqning aldini élish üchün 24 saetlik kochigha chiqish cheklimisi élan qilindi.