amérikada «eneniwi türk küni yürüshi» paaliyiti 20-mayda ötküzülidu

türkiye awazi radiyosi xewiri: türkiyening nyu yorktiki konsulxanisining ijtimaiy alaqe adrésida sinliq uchur hembehirligen bash konsul reyhan özgur barliq puqralarni türkiye küni yürüshige teklip qildi.

bash konsul reyhan özgur: «bu paaliyet jumhuriyitimizning 100 - yilliqi munasiwiti bilen 20-may shenbe küni menxattonda türkiye amérika birleshmisi (TADF) teripidin ötküzülidu. barliq puqralirimizning 40-nöwetlik eneniwi türkiye küni yürüshige qatnishishini qizghin qarshi alimiz» dédi.

u eneniwi türk küni yürüshining türk-amérika jemiyitining birlik we barawerliki bilen, amérikaning iqtisadiy we medeniyet turmushigha qoshqan töhpisining körünerlikini yuquri kötürüsh nuqtisidin muhimliqini tilgha élip, bolupmu balilar we yashlarning ishtirak qilishigha alahide ehmiyet bergenlikini bildürdi.

türkiye amérika birleshmisi bu heqte élan qilghan bayanatida, yürüsh paaliyitining nyu yorkning menxattondiki madison kochisida shu yerning waqti etigen saet 11:30 de bashlinidighanliqini uqturdi.

amérikada türkiye diplomatlirining erméniye térrorluq teshkilati asala (ASALA) teripidin shéhit qilinghanliqigha naraziliq bildürüsh meqsitide 1981 - yili tunji qétim uyushturulghan bu yürüsh paaliyiti kéyinki yillarda enenige aylanghan idi.