ukrainadin polshagha kirgen panahlanghuchilarning sani texminen 12 milyongha yetti

türkiye awazi radiyosi xewiri: polsha chégra qoghdash qisimlirining twittér hésabida élan qilinghan bayanatta, ukraina-rusiye urushi bashlanghandin buyan (2022-yili 2-ayning 24-küni) köchüsh dolquni kötürülgenliki eskertildi.

ukrainadin polshagha tünügün (16may) 22 ming kishining kirgenliki bildürülgen bayanatta: «urush bashlanghandin buyan ukrainadin polshagha barghanlarning sani 11 milyon 911 mingdin éship ketti» déyildi.

polshadin ayrilghan ukrainaliqlarning omumiy sanining bolsa 10 milyon 119 ming ikenliki eskertildi.

ukrainadin polshagha barghanlarning %80 tin köprekining ayallar we balilar ikenliki uqturuldi.

hazir polshada tizimgha élinghan 1 milyondin artuq ukrainaliq bar.

80% ukrainaliqlar polsha xelqining ulargha ijabiy pozitsiye tutuwatqanliqini bildürmekte. emma, polshaliqlarning panahlanghuchilargha bolghan köz qarishi oxshimaydu. «ukrainaliq panahlanghuchilar yardemge éhtiyajliq» dep qaraydighanlarning nisbiti urush bashlanghandin buyanqi %84 tin %50 ke töwenlidi.

polshada turushluq ukrainaliqlarning %74 i öz dölitige qaytishni pilanlimaqta.